Bugun Angren shahar “Appartak” MFYda glazurlangan keramogranit ishlab chiqarish bo'yicha majmuaning ikkinchi bosqichi ishga tushirildi. Loyihani amaga oshirish uchun 21 million dollar, shundan 14 million dollarlik xorijiy investitsiyalar jalb etilgan.
Biznes-rejaga ko'ra, yillik ishlab chiqarish quvvati 800 ming kv.mni tashkil etadi. Tayyor mahsulotlarni Markaziy Osiy, MDH davlatlari va boshqa mamlakatlarga eksport qilish rejalashtirilgan.
Korxona faoliyati kengayishi natijasida qo'shimcha 200 ta yangi ish o'rni yaratildi, deb xabar beradi Toshkent viloyati hokimligi Axborot xizmati.
