Bu Pekinning mamlakatdagi birinchi atom aviatashuvchisini qurish yo'lidagi muvaffaqiyatidan dalolat beradi, deya xabar beradi Associated Press (AP).

Agentlik Kaliforniyadagi Middlberi xalqaro tadqiqotlar instituti mutaxassislari tomonidan olingan sun'iy yo'ldosh tasvirlari tahliliga tayandi. Ular aviatashuvchi uchun reaktor prototipini Sichuan viloyatidagi Leshan shahri tashqarisidagi tog'li hududni o'rganish chog'ida aniqlashganini ma'lum qilishdi, u yerda ular Xitoy qurolli plutoniy yoki tritiy ishlab chiqarish uchun reaktor qurmoqda deb gumon qilishdi. Bundan tashqari, AP Kaliforniya tadqiqotchilarining versiyasini tasdiqlovchi hukumat hujjatlarini qo'lga kiritdi.

Ayni paytda faqat ikkita davlat – AQSh va Fransiya atom aviatashuvchilarga ega. Xitoy harbiy-dengiz kuchlarida uchta an'anaviy dvigatelli aviatashuvchi mavjud. Avvalroq Xitoy rasmiylari to'rtinchisini qurish ustida ish olib borayotganini ma'lum qilgan, biroq u qanday dvigatel bilan jihozlanishiga aniqlik kiritmagandi.

Atom aviatashuvchilarni qurish ko'proq vaqt talab etadi, ammo ular dengizda ancha uzoqroq turishi mumkin, chunki ular yonilg'i quyishni talab qilmaydi va bortda yonilg'i va samolyotlarni qurollantirish uchun ko'proq joy mavjud, deb xabar beradi kommersant.ru.