Nashr manbasiga ko'ra, Grenlandiyani AQSh nazorati ostida qo'lga kiritish rejasi Milliy xavfsizlik kengashining bir necha yig'ilishlarida muhokama qilingan va bir qancha vazirliklarni qamrab olgan, ularga aniq ko'rsatmalar yuborilgan.
Rejaga ko'ra, AQSh sa'y-harakatlari orolning 57 ming aholisini “ular AQShga qo'shilishni so'rashlari kerakligiga” ishontirishga qaratilgan.
Tramp ma'muriyati grenlandiyaliklar uchun moliyaviy imtiyozlarni – masalan, Daniya har yili orolga beradigan 600 million dollarlik subsidiyalar o'rniga orolda har bir kishi uchun 10 ming dollar miqdorida subsidiya berish ehtimolini ham ko'rib chiqmoqda, deb xabar beradi korrespondent.net.
Ayrim Tramp rasmiylarining fikricha, bu xarajatlar Grenlandiyaning tabiiy resurslari, mis, oltin, uran va neftni o'z ichiga olgan kamyob minerallarni qazib olishdan olingan yangi daromadlar hisobiga qoplanishi mumkin.
