Suhbat davomida tomonlar ikki tomonlama hamkorlikning dolzarb masalalarini, jumladan, oliy darajadagi kelishuvlarni oʻz vaqtida amalga oshirish chora-tadbirlarini, shuningdek, ikki mamlakat ishbilarmon doiralari vakillari oʻrtasidagi hamkorlikni mustahkamlash istiqbollarini muhokama qildilar.
Investitsiyaviy sheriklik va sanoat kooperatsiyasini kengaytirishni ragʻbatlantirishga oʻzaro tayyor ekanliklari bildirildi.
2023-yil yakuniga koʻra Oʻzbekiston va AQSH oʻrtasidagi tovar ayirboshlash hajmi 657 million dollarni, investitsiyalar hajmi esa 922,8 million dollarni tashkil etdi. Hozirda Oʻzbekistonda Amerika kapitali ishtirokida 294 ta korxona faoliyat koʻrsatib kelyapti, shundan 148 tasi 100% xorijiy korxona kapitali ishtirokida, deb xabar beradi Investitsiyalar, sanoat va savdo vazirligi matbuot xizmati.
