AQSh Davlat kotibi Marko Rubio chet eldagi diplomatlarga AQSh va Isroilni tanqid qilganlikda gumon qilinayotganlarning mamlakatga kirishini taqiqlash maqsadida talabalik va boshqa turdagi vizalar uchun ayrim arizachilarning ijtimoiy tarmoqlardagi akkauntlarini sinchiklab tekshirishni buyurdi.
Maxsus nazoratdan o'tkaziladigan vizalar turlari F, M va J (talabalik va almashish bo'yicha mehmon vizasi) hisoblanadi.
Ijtimoiy tarmoqdagi postlari sinchkovlik bilan tekshirilishi kerak bo'lgan ariza beruvchining turi: terrorchilar bilan aloqasi yoki xayrixohligi gumon qilingan shaxslar; 2023-yil 7-oktabrdan 2024-yil 31-avgustgacha talaba yoki almashish vizasiga ega bo'lganlar; yoki oktabr oyida ushbu sanadan keyin vizasi bekor qilinganlar.
Ushbu sanalar shuni anglatadiki, asosiy maqsadlardan biri – urush paytida falastinliklarga hamdardlik bildirgan talabalar arizalarini rad etishdan iborat, deb yozadi maqola mualliflari.
Rubio direktivasida, shuningdek, agar murojaat etuvchilarning xulqi yoki xatti-harakatlari “AQSh fuqarolari yoki AQSh madaniyatiga (shu jumladan, hukumat, institutlar yoki asosiy tamoyillar) dushmanlik bilan munosabatda bo'lishni” ko'rsatsa, ularga viza berilmasligi mumkinligi bayon etilgan, deb xabar beradi nur.kz.
