Bu haqda Defense news xabar berdi.
Ma'lumotlarga ko'ra, sinovlar Nyu-Meksikodagi poligonda bo'lib o'tgan. Harbiylar birinchi marta nishonga tegish kafolatini olish maqsadida birdaniga ikkita raketani uchirishdi. Lockheed Martin raketasi loyihasi muallifi PrSM zarba sinovi davomida aniqlik va jangovar shaylikni namoyish etganini ma'lum qildi.
“Bu raketalar Rossiya va Xitoyning harbiy o'zgarishlariga qarshi turish uchun chuqur zarba berish qobiliyatiga muhtoj bo'lgan armiya uchun juda zarur. AQShning Yevropa va Hind-Tinch okeani mintaqasidagi qo'mondonligi 400 kilometrdan ortiq masofadagi statsionar nishonlarga zarba bera oladigan qurolga ega bo'lishni xohlaydi”, deyiladi xabarda.
Qayd etilishicha, ayni paytda PrSM parvoz masofasi 499 kilometrni tashkil etadi, uni parvoz masofasini ikki barobardan ham oshirish rejalashtirilgan. AQSh harbiylari uning yana bir qancha sinovlarini rejalashtirgan. 2025-yil oxiriga kelib, AQSh ushbu raketalarni ommaviy ishlab chiqarish masalasini hal qilishi kutilmoqda, deb xabar beradi report.az.
