Tomonlar Oʻzbekiston Respublikasi uchun kasb-hunarga oʻqitish markazi modelini amalga oshirish boʻyicha kompleks strategiyani ishlab chiqish masalasini muhokama qildilar.
Uchrashuvda yoshlarning oliy taʼlimga kirmasdan kasbiy taʼlimga tayyorlash boʻyicha fikr almashildi. Bunda har bir viloyat imkoniyatlaridan kelib chiqib mintaqaviy treninglarni rivojlantirish hamda kadrlarni tayyorlash masalasiga diqqat qaratildi.
Vazir Q.Sharipov kasbiy taʼlim masalasi mamlakatimiz uchun dolzarb masala ekanligini alohida qayd etib, “Webster university” bilan amalga oshirilishi rejalashtirilgan loyiha uchun Qoraqalpogʻiston Respublikasida kasb-hunarga oʻqitish markazining pilot loyihasini amalga oshirish taklifini ilgari surdi.
Professor Djon Payl oʻz oʻrnida ushbu taklifni qoʻllab-quvvatladi hamda tomonlar pilot loyiha dasturini ishlab chiqishga kelishib oldilar, deb xabar beradi Oliy taʼlim, fan va innovatsiyalar vazirligi matbuot xizmati. .
