vacancy.argos.uz portali orqali tanlovlarni eʼlon qilish vaqtincha toʻxtatildi.
Davlat xizmatini rivojlantirish agentligi axborot xizmati maʼlum qilishicha, Prezidentning 2022-yil 21-dekabrdagi “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi PF–269-son Farmoni hamda “Yangi Oʻzbekiston maʼmuriy islohotlari doirasida respublika ijro etuvchi hokimiyat organlari faoliyatini samarali tashkil etish chora-tadbirlari toʻgʻrisida”gi PQ-447-son qaroriga muvofiq, davlat organlari va tashkilotlarining markaziy apparat va hududiy boʻlinmalari tashkiliy tuzilmalari qaytadan koʻrib chiqilayotganligi hamda shtat birliklari maqbullashtirilayotganligi sababli Davlat fuqarolik xizmatchilari vakant lavozimlarining yagona ochiq portali orqali eʼlon qilingan tanlovlarning barcha jarayonlarini vaqtinchalik toʻxtatildi.
Davlat organi va tashkilotlarining tashkiliy tuzilmalari hamda shtat birliklari qayta tasdiqlangandan soʻng vakant lavozimlarga tanlovlar oʻrnatilgan tartibda yanada takomillashtirilgan vacancy.argos.uz portali orqali eʼlon qilinadi va davom ettiriladi.