Endilikda Arnasoy aeroportida katta samolyotlarni ham qabul qilish imkonini yaratish zarurligi qayd etildi. Bundan tashqari, Aydar-Arnasoy koʻligacha temir yoʻl ham olib kelinadi.
“Oʻzbekiston temir yoʻllari”ga Doʻstlik tumanidan koʻl hududigacha 45 kilometrli yangi temir yoʻl liniyasini qurishni boshlash topshirildi.
Shuningdek, 7 milliard soʻm hisobiga tumandagi Baxtli mahallasining infratuzilmasi yaxshilanib, turizm qishlogʻiga aylantiriladi. Hududga olib boruvchi yoʻl taʼmirlanadi, tungi yoritish chiroqlari va turizm yoʻl belgilari oʻrnatiladi, manzarali daraxtlar ekiladi.
