Gryunxaydadagi Tesla zavodida ish to'xtab qoldi. Hodisa Moskva vaqti bilan soat 06:50 atrofida ro'y bergan, o'shanda zavod yonidagi “Shtaynfurt” podstansiyasida kuchli portlash eshitilib, yong'in boshlangan. 12,5 mingga yaqin kishi mehnat qilayotgan korxona elektr ta'minotisiz qolib, ish to'xtatildi. 12 000 ga yaqin aholi istiqomat qiladigan Erkner va Berlinning bir qismi ham o'shandan beri elektr ta'minotisiz qolmoqda.

Voqea joyiga o't o'chiruvchilar, politsiya va elektr ta'minoti korxonasi xodimlari yetib keldi. Podstansiya yaqinida ular “Bu yerda harbiy qurollar ko'milgan” yozuvi bo'lgan atrof-muhit faollarining chodirini topishdi. Natijada sapyorlarni chaqirishga majbur bo'lishdi. Mutaxassislar ishni tugatgandan keyingina stansiyada o'tni o'chirish va ta'mirlashni boshlashlari mumkin. Zarar millionlab yevroga baholanmoqda, deb yozadi Bild.

O'tgan haftada 100 ga yaqin faol Tesla zavodining rejalashtirilgan kengayishiga norozilik bildirish uchun uning sharqida joylashgan o'rmonli hududni egallab oldi. Namoyishlar tinch o'tgandi, deb xabar beradi tass.ru.