Avstraliya Fransiya va Buyuk Britaniyadan keyin Rossiyaga qarshi mudofaa urushi olib borayotgan Ukrainaga tinchlikparvar kuchlarini yuborishi mumkin. Avstraliyalik tinchlikparvar kuchlarning xalqaro missiyada ishtirok etish imkoniyati hozirda muhokama qilinmoqda, dedi Avstraliya Bosh vaziri Entoni Albaneze. Kanberra “har qanday takliflarni ko'rib chiqishga ochiq”, deya qo'shimcha qildi u.
“Avstraliya ko'plab mintaqalarda, jumladan Afrika, Kipr va bir qator tinchlikparvar hududlarda katta rol o'ynagan”, dedi Albaneze, “Biz Ukrainada tinchlik o'rnatilishini istaymiz, lekin biz Rossiyaning qonunga xilof va axloqsiz harakatlari mukofotlanmasligiga, na Vladimir Putin, na uning imperialistik rejalari mukofotlanmasligiga va rag'batlantirilmasligiga ishonch hosil qilmoqchimiz”.
Avstraliya NATO a'zosi emas, balki alyansning global hamkorlaridan biridir.
Avstraliya Bosh vazirining bayonoti AQSh Prezidenti Donald Tramp Ukrainaga berilayotgan barcha harbiy yordamni muzlatish haqida buyruq berganidan keyin yangradi. Trampning farmoniga ko'ra, Amerika yordamini ko'rsatishdagi “tanaffus” Ukraina rahbariyati “tinchlik tarafdori” ekanini namoyish qilmaguncha davom etadi, deb xabar beradi dw.com.
