78-yo'nalishdagi avtobus Kaskelenskiy ko'prigida panjarani buzib o'tib, Toshkent shossesi bo'ylab ketayotgan miniven ustiga qulab tushdi. Hodisa oqibatida sakkiz kishi jabrlandi.
Dastlabki ma'lumotlarga ko'ra, hodisaga avtobus haydovchisi sog'lig'ining yomonlashishi va boshqaruvni yo'qotgani sabab bo'lgan. Mashina avval to'xtash joyini, keyin ko'prik panjarasini buzib, so'ng yo'l qismiga qulagan.
Ijtimoiy tarmoqlarda avtobus haydovchisi komada ekanligi haqidagi xabarlar tasdiqlanmadi.
Sog'liqni saqlash boshqarmasi nashrga ma'lum qilishicha, sakkiz nafar jabrlanuvchi Qorasoy markaziy tuman shifoxonasiga yetkazildi. Ulardan 7 nafari tibbiy ko'rikdan o'tkazilib, zarur tibbiy yordam ko'rsatildi va tavsiyalar bilan ambulator davolanishga yuborildi, deb xabar beradi tengrinews.kz.
“Bir nafar jabrlanuvchi o'rtacha og'irlikdagi jarohatlar bilan travmatologiya bo'limiga yotqizildi, uni davolash tibbiy bayonnomaga muvofiq davom ettirilmoqda”, deyiladi viloyat sog'liqni saqlash matbuot xizmati xabarida.
