Demak, bayram kunlari Toshkent shahrida avtobus yoʻnalishlari faoliyati quyidagicha tashkil etiladi:
2021-yil 31-dekabr dam olish kuni. Avtobuslar shanba kunlari uchun tasdiqlangan jadval asosida harakatlanadi. Ish vaqtining tugashi esa 1 (bir) soatga uzaytiriladi;
2022-yil 1-yanvar dam olish kuni. Yakshanba kunlari uchun tasdiqlangan jadvallar soni 40% ga kamaytirilgan holda avtobuslarning ishga chiqarilishi rejalashtirilgan;
2022-yil 2, 3 va 4-yanvar dam olish kunlari. Avtobuslar yakshanba kunlari uchun tasdiqlangan jadvallar boʻyicha harakatlanadi;
2022-yil 8-yanvar shanba, ish kuni. Avtobuslar ish kunlari uchun tasdiqlangan jadvallar boʻyicha harakatini davom ettiradi, deb xabar beradi Transport vazirligi matbuot xizmati «Toshshahartransxizmat» AJ maʼlumotiga tayanib.