Toshkent shahar ichki ishlar bosh boshqarmasi mazkur holat yuzasidan dastlabki maʼlumotlarni taqdim qildi.
Qayd etilishicha, shu yilning 17-aprel kuni taxminan soat 23:40 larda Mirzo Ulugʻbek tumani, Yalangʻoch dahasi hududida joylashgan avtoturargohlarning birida 1988-yilda tugʻilgan M.J. oʻzaro kelishmovchilik sababli tanishi 1983-yilda tugʻilgan N.K. ga tegishli “Tesla” rusumli avtomashinani yoqib yuborgan. Koʻrilgan tezkor chora-tadbirlar natijasida fuqaro M.J. ushlangan.
Mazkur holat yuzasidan Mirzo Ulugʻbek tumani IIO FMB huzuridagi Tergov boʻlimi tomonidan Oʻzbekiston Respublikasi Jinoyat kodeksining 173-moddasi (“Mulkni qasddan nobud qilish yoki unga zarar yetkazish”) bilan jinoyat ishi qoʻzgʻatilgan. Tergov davom etmoqda.
