Aviatsiya boshqarmasi, shuningdek, parvozlar xavfsizligini ta’minlash uchun doimiy monitoring olib borilayotganini ta’kidladi. Agentlik ma’lumotlariga ko‘ra, qaror vaziyat va xavfsizlik sharoitlarini "har tomonlama baholash"dan so‘ng qabul qilingan.
BAA o‘z havo hududini AQSh va Isroil fevral oyi oxirida Eronga qarshi operatsiya boshlaganidan keyin yopdi. Cheklovlar BAA hududiga dron hujumlari tufayli joriy qilingan edi. Hozirda AQSh, Isroil va Eron o‘rtasida sulh amal qilmoqda. AQSh Prezidenti Donald Tramp tomonlar o‘rtasidagi muzokaralar yakunlangunga qadar sulhni uzaytirdi. 20-aprel kuni Rosaviatsiya BAAga parvoz cheklovlarini bekor qildi, deb xabar berdi kommersant.ru.
