2025-yil, 6-fevral kuni Kanadaning Monreal shahrida professional boks oqshomi tashkil etiladi.
Ushbu turnirda superogʻir vazn toifasidagi bokschimiz Bahodir Jalolov ham ringga koʻtariladi. Unga oʻsha kuni fransiyalik Devid Spilmont raqiblik qiladi. Top Rank promouterlik kompaniyasi buni rasman tasdiqladi. Hamyurtimiz Artur Biyarslanov va Mohamed Mimun oʻrtasidagi markaziy jangning anderkardida ringga chiqadi.
Maʼlumot uchun, Bahodir Jalolov professional boksdagi faoliyati davomida hozirga qadar 14 ta jang oʻtkazib, ularning barchasida gʻalaba qozongan. Soʻnggi jangini 2023-yil 17-noyabr kuni Toshkentda JAR vakili Kris Tompsonga qarshi oʻtkazib, ilk raunddayoq nokaut orqali zafar quchgandi.
Uning boʻlajak raqibi Devid Spilmont esa shu kungacha 27 ta jang oʻtkazib, 16 gʻalaba, 8 magʻlubiyat va 1 ta durang qayd etgan. Gʻalabalarining 11 tasini nokaut orqali qoʻlga kiritgan.
