Ushbu tumanlardagi togʻ hududlari yagona turizm halqasiga birlashtirilsa, Zominga kelayotgan sayyohlarning kamida yarmini Baxmalga jalb qilish mumkinligi taʼkidlandi. Yuzlab servis obyekti ishga tushadi, minglab odam ishli boʻladi, turizm eksporti karrasiga oshadi.
Mutasaddilarga kelgusi yilda “Zomin – Baxmal – Gʻallaorol” yoʻlining 158 kilometr qismini taʼmirlashni boshlash topshirildi.
Baxmal tumanida 39 gektar maydonda 40 million dollar investitsiya hisobiga turizm klasterini tashkil qilish tashabbusi maʼqullandi.
Umuman, Baxmalga ham “turizm tumani” maqomi berilishi belgilandi.
