Uchrashuvda taʼlim sohasida hamkorlikni chuqurlashtirish, yoshlar bilan ishlash, akademik almashinuv dasturlarini kengaytirish va ilmiy loyihalarni birgalikda amalga oshirish boʻyicha fikr almashildi.
Shuningdek, universitetlar va ilmiy-tadqiqot muassasalari oʻrtasida institutsional hamkorlikni mustahkamlash imkoniyatlari koʻrib chiqildi.
Yoshlar va taʼlim — Oʻzbekiston va Gruziya oʻrtasidagi kelajakka yoʻnaltirilgan, innovatsion va inson salohiyatini oshirishga qaratilgan munosabatlarning asosiy ustunlaridan biridir, — deb yozadi TIV rahbari oʻzining Telegram kanalida.







