Prezidentimiz investitsiya va bozorlarni egallash uchun jahonda qattiq kurash ketayotganini qayd etdi.
Loyihalar uchun chetdan mablagʻ olib kelish qanchalik qiyin boʻlayotganini, uni samarali ishlatish kerakligini barcha rahbarlar tushunishi shart.
Belgilab berilgan vazifalar ijrosi ustidan nazoratni kuchaytirish, aniq mexanizmini belgilab, eng quyi boʻgʻingacha tushirish topshirildi.
Vazirlar, tarmoq rahbarlari, viloyat hokimlari oldiga tumanlarga tushib, oʻz ishini joyida tashkil qilish vazifasi qoʻyildi.
Yigʻilish davomida vazirlik va hududlar rahbarlarining hisobotlari tinglandi.
“Uzbekistan Airways” va “Uzbekistan Airports”, Avtomobil yoʻllari qoʻmitasi ham xalqaro reyting olib, tashqi bozordan jami 700 million dollar olib kelishi muhimligi taʼkidlandi.
Hududida ivestitsiyalarni jalb qilish, qishloq xoʻjaligini rivojlantirish va boshqa yoʻnalishlardagi faoliyatda jiddiy kamchiliklarga yoʻl qoʻygani uchun Sirdaryo viloyati hokimi Akmaljon Mahmudaliyev lavozimidan ozod etildi.
