Surxondaryo viloyatida benzinni koʻrsatilgan miqdordan kam bergan AYOQSHning birja savdolarida ishtirok etishi vaqtincha toʻxtatildi.
Bu haqda “Oʻzenergoinspeksiya” axborot xizmati xabar berdi.
Maʼlum qilinishicha, Termiz shahrida joylashgan “Z.Z.O.” MCHJga qarashli AYOQSHda isteʼmolchilarga avtobenzinni toʻla hajmda sotilishi namunaviy oʻlchagich yordamida oʻlchab koʻrilganda ruxsat etilgan meyordan tashqari har 10 litrdan 0,100 litr kam quyilayotgani maʼlum boʻldi.
Mazkur holat yuzasidan qoidabuzarlikka yoʻl qoʻygan ushbu AYOQSHda kamchiliklar bartaraf etilgunga qadar birja savdolarida ishtirok etishi vaqtincha toʻxtatildi.
Oʻzbekiston Respublikasi Prezidentining aholini arzon narxlarda sifatli mahsulotlar bilan taʼminlash zarurligi toʻgʻrisidagi topshirigʻini bajarish maqsadida Buxoro NQIZda AI-92 rusumli benzin narxini bosqichma-bosqich pasaytirish ishlari olib borilmoqda.
Ohangaron tumanida joylashgan “D.” xususiy korxonasiga qarashli AYOQSH oʻrganilganda 4 dona ming litrlik yelim idishlarda dizel yoqilgʻisi saqlanayotganligi hamda nostandart yelim idishlarga dizel yonilgʻisi quyish holati aniqlandi.
