Maʼlum boʻlishicha, Samarqand viloyati Payariq tumanidagi koʻp qavatli uylardan birida bir yoshli qiz koʻp qavatli uyning 3-qavatida qulflanib qolgan.

Bolaning ota-onasi oʻz vaqtida yordam soʻrab viloyat Favqulodda vaziyatlar boshqarmasiga murojaat qilgan.

Qisqa muddat ichida yetib kelgan qutqaruvchilar maxsus narvon yordamida bino ichiga kirdilar. Eshikni ichkaridan ochib, bolani sogʻ-salomat holda ota-onasiga topshirishga muvaffaq boʻlgan, deb xabar beradi Favqulodda vaziyatlar vazirligi matbuot xizmati.