Britaniyaning “Titan Airways” aviakompaniyasi joriy yilning 12-sentyabr kuni Chunsin – Navoiy – London yoʻnalishi boʻyicha ilk charter yuk reysini amalga oshirdi. Xitoydan Buyuk Britaniyaga reyslar haftasiga toʻrt marta Airbus A330 yuk tashuvchi samolyotlarida Navoiyda texnik toʻxtash joyi bilan amalga oshirilishi rejalashtirilgan.
17-sentyabrda Latviyaning “SmartLynx Airlines” aviakompaniyasi Varna (Bolgariya) – Navoiy (Oʻzbekiston) – Dakka (Bangladesh) yoʻnalishi boʻyicha birinchi charter yuk reysini amalga oshirdi. Navoiyda texnik toʻxtash bilan Bolgariyadan Bangladeshga parvozlar Airbus A321 yuk tashuvchi samolyotlarida amalga oshirilishi rejalashtirilgan.
18-sentyabr kuni “FlyKhiva” mahalliy aviakompaniyasi ham Echjou (Xitoy) – Lyej (Belgiya) yoʻnalishi boʻyicha, Navoiy shahrida texnik toʻxtash bilan, charter reyslarini yoʻlga qoʻydi. Parvozlar yuk koʻtarish quvvati 50 tonnagacha boʻlgan Boeing 767-300 samolyotlarida amalga oshiriladi. Dastlabki bosqichda reyslar haftasiga toʻrt marta amalga oshiriladi.
