Oʻtgan haftada “Oʻzbekiston respublika tovar-xom ashyo birjasi” savdolariga 28 579,0 tonna AI-80 markali avtomobil benzini qoʻyildi va ulardan 21 097,9 tonnasi, yaʼni 73,8% sotildi.
Oʻtkazilgan savdolarda har kuni oʻrtacha 57 xaridor ishtirok etdi.
Koʻrib chiqilayotgan davrda AI-80 markali avtomobil benzinining boshlangʻich narxi koʻtarilganligi sababli uning oʻrtacha kunlik narxi ham mahsulotning bir tonnasi uchun 6 715,0 ming soʻmdan 6 860,3 ming soʻmgacha, yaʼni 2,2% ga koʻtarilganini taʼkidlash lozim.
Koʻrib chiqilayotgan davrda AI-80 rusumli avtomobil benzinning oʻrtacha haftalik kotirovkasi 6 830,9 ming soʻmni, AI-91 – 7 873,3 ming soʻmni tashkil etdi.
Isteʼmolchilarning avtobenzinga boʻlgan talabini toʻliq qondirish masalasi davlat nazoratiga olingan. Narxlarning asossiz ravishda oshirib yuborilishiga yoʻl qoʻyilmaydi.
Oʻzbekiston Respublikasi Prezidentining aholini arzon narxlarda sifatli mahsulotlar bilan taʼminlash zarurligi toʻgʻrisidagi topshirigʻini bajarish maqsadida Buxoro NQIZda AI-92 rusumli benzin narxini bosqichma-bosqich pasaytirish ishlari olib borilmoqda.
Ohangaron tumanida joylashgan “D.” xususiy korxonasiga qarashli AYOQSH oʻrganilganda 4 dona ming litrlik yelim idishlarda dizel yoqilgʻisi saqlanayotganligi hamda nostandart yelim idishlarga dizel yonilgʻisi quyish holati aniqlandi.
