Amazon asoschisi Bezosning Blue Origin kompaniyasining New Shepard raketasi Texasdagi Corn Ranch start maydonchasidan uchirildi. Hammasi ayollardan iborat ekipaj 11-suborbital tijorat parvozini amalga oshirdi. Parvoz taxminan o'n daqiqa davom etdi.
Ekipaj tarkibiga qo'shiqchi Keti Perri, CBS Mornings boshlovchisi Geyl King, yozuvchi va bioastronavtika bo'yicha tadqiqotchi olim Amanda Nguen, STEMBoard bosh direktori va NASAning sobiq raketa olimi Aisha Bou, kinoprodyuser Keriann Flinn va Blue Origin asoschisi Jeff Berzosning kelini, missiya direktori Loren Sanches kiritildi.
Taxminan uch daqiqalik parvozdan so'ng, raketa-tashuvchi ekipaj kapsulasidan ajralib chiqdi. Keyin boshqasi harakatni davom ettirdi va 100 kilometr balandlikka chiqdi. Bu Yer atmosferasi va koinot o'rtasidagi shartli chegaradir.
Umuman olganda, bortida koinot turistlari bo'lgan kapsula parvozning eng yuqori nuqtasida taxminan uch daqiqa koinotda bo'lib turdi. Bu Valentina Tereshkova 1963-yilda parvoz qilganidan beri to'liq ayollardan iborat birinchi ekipajdir, deb xabar beradi rbc.ru.
