Tadqiqotlar shuni ko'rsatdiki, u Yaqin Sharq respirator sindromi virusi (Mers-CoV) bilan kuchli o'xshashliklarga ega. Oxirgisi 2012-yilda topilgan va 850 dan ortiq odamning o'limiga sabab bo'lgan.
Yangi koronavirusning genetik ketma-ketligi Mers-CoV genomi bilan 72 foiz bir xil. Xususan, virus tashuvchi hujayralarga yopishish uchun foydalanadigan boshoq oqsili Yaqin Sharq respirator sindromi oqsiliga 71,74 foizga o'xshash.
Olimlar yangi virus odamlar uchun yuqimli ekaniga hali amin emas. Ular bu savolga javob topish uchun yuqori darajadagi biologik xavfsiz laboratoriyalarda tajriba o'tkazishni rejalashtirmoqda.
Tadqiqot davomida mutaxassislar sichqonlarning 16 turidan 423 ta biologik material namunalarini tahlil qilishdi. Ular Braziliya shimoli-sharqidagi Fortaleza shahrida ovlangan ko'rshapalaklarda yetti bor koronavirusni aniqlashdi. Olimlar, shuningdek, virus genomini aralashtirish va o'zgartirish dalillarini topishdi – bu jarayonlar rekombinatsiya deb nomlanadi.
Topilmalar koronaviruslarning keng genetik xilma-xilligini, yangi tarmoqlarning mavjudligini va rekombinatsiya hodisalarini ta'kidlaydi, deb xabar beradi mir24.tv.
Olimlarning ta'kidlashicha, ko'rshapalaklar viruslarning muhim rezervuari bo'lib, doimiy epidemiologik nazorat ostida bo'lishi kerak, deya xabar beradi Journal of Medical Virology.
