Prezident Shavkat Mirziyoyev Andijon viloyatini kompleks rivojlantirish boʻyicha ustuvor vazifalar yuzasidan yigʻilish oʻtkazmoqda.
Davlatimiz rahbari bugungi kunda Andijonda havas qilsa arzigulik oʻzgarishlar boʻlayotganini qayd etdi.
"Kecha viloyatdagi ishlar bilan tanishdim, oddiy odamlar bilan gaplashdim. Ishonch bilan aytishim mumkinki, bu zaminda Yangi Oʻzbekiston shukuhi har bir mahalla, har bir xonadonga kirib ulgurgan.
Bu – islohotlarimizning eng katta natijasi, desak, toʻgʻri boʻladi", — dedi davlatimiz rahbari.
Joriy yildan boshlab tomorqadan foydalanish boʻyicha yangi tizim ishlamoqda. Masalan, Asaka tumani Otash mahallasidagi 810 ta xonadondan 805 tasida issiqxona bor, ularda yiliga 3-marta hosil olinayapti.
Hozirgi texnologiyalar davrida korrupsiyaning yangi, raqamli koʻrinishlari paydo boʻlmoqda. Shu bois yangi oʻquv yilidan Ichki ishlar va Huquqni muhofaza qilish akademiyalarida bu yoʻnalishda mutaxassis tayyorlash boshlanadi.
