Bugun kunduz kuni Oʻzbekiston boʻyicha yogʻingarchilik kutilmaydi, faqat Surxondaryo viloyatida ertalab baʼzi joylarda yomgʻir yogʻadi, momaqaldiroq boʻlishi mumkin.
Shamol sharqdan 7-12 m/s tezlikda esadi, shimolda va choʻl hududlarda baʼzi joylarda 15-20 m/s gacha kuchayishi, ayrim joylarda chang toʻzon bilan kuzatilishi mumkin. Harorat +20...+25 daraja iliq boʻladi.
Poytaxtimizda yogʻingarchilik kutilmaydi. Shamol sharqdan 3-8 m/s tezlikda esadi. Harorat +22...+24 daraja iliq boʻladi.
Togʻli hududlarda vaqti-vaqti bilan yomgʻir yogʻadi, baland togʻlarda yogʻingarchilik (yomgʻir, qor) boʻladi, momaqaldiroq boʻlishi mumkin. Toshkent, Namangan viloyatlarining togʻli hududlarida 2000 metrdan yuqorida qor koʻchishi xavfi bor. Shamol 7-12 m/s tezlikda esadi. Harorat +10...+15 daraja iliq boʻladi.