Qayd etilishicha, Vengriya poytaxti Budapesht shahrida boʻlib oʻtgan 45-butunjahon shaxmat Olimpiadasida bronza medallarni qoʻlga kiritgan Oʻzbekiston erkaklar jamoasi aʼzolariga “Prezident sovgʻasi” sifatida BYD Chazor rusumli avtomobillar hamda 170 million soʻm miqdorda pul mukofoti topshiriladi.

Maʼlumot uchun, ushbu musobaqada amaldagi chempionlar sifatida qatnashgan Oʻzbekiston jamoasi 17 ochko bilan uchinchi oʻrinni qoʻlga kiritdi. Qizlar terma jamoasi esa yakuniy jadvalda 12-pogʻonani band etdi.

Eslatib oʻtamiz, shaxmat boʻyicha Oʻzbekiston erkaklar terma jamoasi 45-Butunjahon shaxmat Olimpiadasida qariyb 200 ta davlat vakillari orasida 3-oʻrinni egallagan edi.