Uzoq masofaga qatnovchi haydovchilarning hushyorligini oshirish hamda sodir boʻlishi mumkin boʻlgan turli noxush holatlarning oldini olish maqsadida Buxoro viloyati IIB YHXB xodimlari tomonidan noodatiy uslubda yondashgan holda haydovchilarni yana-da sergaklantiruvchi usullardan foydalanilmoqda.
Xususan, Buxoro viloyati Romitan tumani Gazli shaharchasi orqali choʻl hududidan oʻtuvchi A-380 – «Gʻuzor-Buxoro-Nukus-Beyneu» xalqaro ahamiyatga ega yoʻlning 324-km.da avtohalokatga uchragan transport vositasining maketi yoʻl yoqasiga oʻrnatilib, harakat ishtirokchilarida taʼsirchanlik ruhi oshirilmoqda. (bu haqida video lavha orqali batafsilroq yoritiladi)