Hozirgi kunda mamlakatimizda xotin-qizlar oʻrtasida sportni rivojlantirish, ularning sport bilan ommaviy shugʻullanishi uchun zarur sharoit yaratish borasida keng koʻlamli ishlar amalga oshirilayotgani ham bejizga emas.
Turizm va sport vazirligi xabariga koʻra, Oʻzbekiston Respublikasi Vazirlar Mahkamasining 2020-yil 19-noyabrdagi “Aholining sogʻlom turmush tarzini qoʻllab-quvvatlash va jismoniy faolligini oshirishga doir qoʻshimcha chora-tadbirlar toʻgʻrisida”gi 735-sonli qarorida belgilangan topshiriqlar ijrosini taʼminlash maqsadida Buxoro viloyati turizmni rivojlantirish departamentining ayol xodimlari oʻrtasida badminton boʻyicha “Bahor malikalari” shiori ostida sport oʻyinlari tashkil etildi. Unda departamentda faoliyat olib borayotgan xotin-qizlar ishtirok etdi.
Bunday sport oʻyinlarini viloyat turizmni rivojlantirish departamenti xotin-qizlari oʻrtasida tez-tez tashkil qilib turish koʻzda tutilgan.