Loyihada Buxoro yoshlari va chet elda ishlashni rejalashtirayotgan Buxoro viloyati aholisi uchun mo‘ljallangan 2 ta’lim dasturidan iborat.

9 oy mobaynida ikkala dastur ishtirokchilari axborot texnologiyalarining turli sohalarida o‘qitiladi.

«EdTech-HUB» loyihasining maqsadi – IT sohasida 700 nafar mutaxassis va 500 nafar frilanserni yetishtirish uchun 1 200 nafar Buxoro aholisini axborot texnologiyalariga o‘qitishdan iborat. Loyihani amalga oshirish uchun 800 000 000 000 so‘mdan ortiq mablag‘ ajratiladi.

Buxoro viloyati yoshlariga quyidagi yo‘nalishlar doirasida o‘quv kurslari taklif etiladi: kompyuter savodxonligi; grafik dizayn; front-end dasturlash; bakend dasturlash; mobil dasturlash; robototexnika; sun'iy intellekt; axborot xavfsizligi; biznes tahlillari.

Ushbu o‘quv dasturi «Yoshlar kitobi»ga kiritilgan yoshlar uchun bepul, shuningdek, ish bilan bandlikni ta’minlash uchun qo‘shimcha imkoniyatlar yaratish maqsadida barcha ko‘ngilli yoshlarga to‘lov asosida amalga oshiriladi.

Shuningdek, «EdTech-HUB» loyihasi kompyuter texnologiyalari yoki kelajak kasblarining rivojlanishi uchun chet elda ishlashni rejalashtirayotgan aholini ham o‘qitishga qaratilgan.

Chet elda ishlashni rejalashtirayotgan Buxoro aholisi uchun kurslarning asosiy yo‘nalishlari quyidagilar: kompyuter savodxonligi; ingliz tili; MS ofis dasturlari bilan professional ishlash; grafik dizayn; kompyuter grafikasi va animatsiyasi; axborot xavfsizligi; tizim ma’muriyati; elektron savdo; SMM va kopirayting.

Barcha kurslarning o‘quv dasturlari yirik xorijiy ish beruvchilar, shu jumladan Rossiya talablarini hisobga olgan holda ishlab chiqilgan. Kurslar mahalliy korxona va yetakchi o‘quv muassasalari mutaxassislari tomonidan olib boriladi.

Loyiha Buxoro shahrida joylashgan 5-maktabda bo‘lib o‘tadi, deb xabar beradi IT-Park matbuot xizmati.