Toshkent viloyatining Bo'stonliq tumaniga poytaxtdan ("Chorvoq" erkin turistik zonasiga) grafik asosida qatnovchi avtobuslar harakati yo'lga qo'yildi. Bu haqida Transport vazirligi axborot xizmati xabar bermoqda.

Avtobuslar "Mashinasozlar metro bekati — Chorvoq" yo'nalishida har kuni uchta grafik asosida harakatlanadi. Qatnov masofasi 75 km bo'lgan yo'nalishda yo'lovchilar belgilangan manzilga 1 soat 10 daqiqada yetib boradi.

Avtobuslar Mashinasozlar metro bekatidan soat 7:00, 13:00 va 18:00 da jo'naydi. Chorvoqdan esa 6:00, 11:00 va 16:00 harakatlanadi.

Qatnovlar "Uzautotrans service" korxonasining Yutong avtobuslarida amalga oshirilmoqda. Ushbu yo'nalishda yo'lkira narxi 15 000 so'm etib belgilangan.