Buning yorqin ifodasini Namangan viloyatining Chust tumanidagi 52-ixtisoslashtirilgan davlat umumiy oʻrta taʼlim maktabi misolida ham koʻrish mumkin.
2019 - 2020 oʻquv yilida mazkur ilm maskanini bitirgan 18 nafar oʻquvchining barchasi, yaʼni 100 foizi talabalar safiga qabul qilindi.
- Bu yutuq nafaqat 29 nafar maktab jamosidagi ustoz-muallimlarning yutugʻi, balki bitiruvchilarning ilm-maʼrifat yoʻlidagi intilishlari hamda ota-onalarning eʼtibori samarasi hamdir. Bunday muvaffaqiyat bizga yana-da ishtiyoq bagʻishlab, kelgusida ham barcha bitiruvchilarimiz shunday natijalarga erishishi borasida astoydil faoliyat yuritishimizga qanot boʻladi, - deydi maktab direktori Fazliddin Qoʻchqorov.
Yurt bunyodkori boʻlgan iqtidorlarga yana-da baland marralarni zabt etish yoʻlida shijoat va omad tilaymiz.
Namangan viloyat xalq taʼlimi boshqarmasi Axborot xizmati.
