Agentlikning maʼlum qilishicha, bugun va dam olish kunlari respublika boʻyicha yogʻingarchiliksiz biroz bulutli ob-havo saqlanib turadi.

Kechasi havo harorati 0-3 daraja sovuq, baʼzi joylarda 5 daraja sovuqqacha, kunduzi quyosh havoni 6-11 daraja iliqqacha isitishi kuzatiladi. Qoraqalpogʻiston Respublikasida kechasi 5-10 daraja sovuq, kunduzi 2-7 daraja iliq boʻladi.

Respublikaning ayrim joylariga kechasi va ertalab tuman tushishi mumkin. Shamol sharqiy yoʻnalishdan yengil va oʻrtacha tezlikda esadi.

Poytaxtimizda: biroz bulutli, yogʻingarchiliksiz havo boʻladi. Shamol sharqdan 3-8 m/s tezlikda esadi. Havo harorati kechasi 0-3 daraja sovuq, kunduzi 8-11 daraja iliq boʻladi.