Dam olish kunlari Oʻzbekiston hududi boʻyicha asosan kam bulutli va biroz issiq ob-havo saqlanib turadi, havo harorati kunduzi +30...+35 daraja, baʼzi joylarda +37 darajagacha, kechasi va ertalab +17...+22 daraja boʻladi, deya xabar beradi Oʻzgidromet.

Qayd etilishicha, shu yilning 5-6-sentyabr kunlari respublikaning ayrim joylarida shamol tezligi 13-18 m/s gacha kuchayishi, chang-toʻzonlar bilan kuzatilishi mumkin.

Toshkentda: havo kam bulutli boʻladi. Shamol sharqdan 3-6 m/s tezlikda esadi, 5-sentyabrda baʼzi joylarda 8-10 m/s gacha kuchayishi mumkin.

Harorat 5-sentyabrda +35...+37 daraja, 6-7-sentyabrda +33...+35 daraja, kechalari +18...+20 daraja boʻladi.