Bugundan boshlab esa mamlakatimiz hududiga Eron tomondan issiq havo kira boshlaydi. Respublika boʻyicha barcha joylarda ob-havo ochiq, kuchsiz shamol esadi. Kunning oʻrtasiga kelib harorat 15-18 darajagacha, janubiy hududlarda 23 darajagacha koʻtariladi.
Dam olish kunlari respublikamizga Erondan issiq havoning kirishi davom etadi. Tungi sovuq faqat mamlakatning ayrim togʻli va baland togʻli hududlarida saqlanib turadi. Harorat kechasi 2-7 daraja atrofida, kunduzi 17-22 daraja boʻlishi kutilmoqda, janubiy tumanlarda havo 25 darajagacha isiydi, deb xabar beradi Oʻzbekiston gidrometeorologiya markazi