Havo harorati kechasi 8-10 daraja atrofida, kunduzi 23-25 daraja boʻladi. Bunday harorat iqlimiy meʼyordan 4-5 darajaga yuqoridir.
Oʻzbekistonda oktyabr oʻrtasining ob-havosi har xil boʻladi.
Shunday 2012, 2016 va 2018-yillarda kechasi havo harorati ayozlargacha pasaygan, kunduzi esa termometr ustunchasi 6-8 daraja iliqdan koʻtarilmagan.
2008, 2010, 2011, 2017-yillarda oktyabr oʻrtasida eng issiq ob-havo kuzatilgan – kunduzi harorat 28-30 darajaga koʻtarilgan. Oktyabrning shu kunlari uchun maksimal harorat rekordi 32-34 darajani tashkil etadi, deb xabar beradi Oʻzbekiston gidrometeorologiya markazi.
