Markaziy bank 2025-yil 28-oktyabrdan valyutalarning yangi kursini belgiladi.
AQSH dollari 63,89 soʻmga tushib, 12 053,46 soʻm etib belgilandi.
Yevro kursi 42,85 soʻmga tushdi va 14 026,61 soʻm boʻldi. Funt-sterling 16 085,34 soʻm (-57,39).
Rossiya rubli 152,43 soʻm etib belgilandi (+2,94).
Qozogʻiston tengesi 22,42 soʻm boʻldi (-0,10).
Markaziy bank 14–18 yoshlilar bank kartalarini mobil ilovalarga biriktirishda uchrayotgan biometrik identifikatsiya muammolarini bartaraf etish boʻyicha bank va toʻlov tashkilotlariga qoʻshimcha koʻrsatmalar yubordi.
Oʻzbekistonda noyabr oyida isteʼmol tovarlari va xizmatlar narxlari oʻrtacha 0,7 foizga qimmatlashdi, yillik inflyatsiya surʼati esa 7,5 foizni tashkil etib, oʻtgan yilga nisbatan pasaygani qayd etildi.
2026-yil 1-yanvardan “Ochiq byudjet” portalida jismoniy shaxslar tomonidan toʻlangan soliqlar hisobidan amalga oshiriladigan budjet xarajatlari maʼlumotlarini oʻzida aks ettiruvchi “Jismoniy shaxslarning soliqlari hisobidan xarajatlar” moduli ishga tushiriladi.
Iqtisodiyot va moliya vazirligi 2026–2028-yillarga moʻljallangan byudjetnoma loyihasini eʼlon qildi. Unga koʻra, kelgusi yilda soliq tizimida bir qator yangiliklar joriy etilishi, ayrim aksizlar oshirilishi va tadbirkorlar uchun yengilliklar berilishi belgilanmoqda.
Adliya vazirligi “Oʻzbekiston Respublikasi hududida bank kartalarining chiqarilishi va muomalada boʻlishi qoidalari toʻgʻrisida«gi nizomga oʻzgartirish va qoʻshimchalar kiritish haqida”gi buyruqni (roʻyxat raqami: 3294-3, 11.11.2025-y.) davlat roʻyxatidan oʻtkazdi.
