Murojaatda taʼlim muassasalari xodimlari zimmасiga yuklangan masʼuliyat juda yuqori ekani taʼkidlanib, har bir pedagogning mehnati bolalarning bilim olishi bilan birga, ularning shaxs sifatida shakllanishiga bevosita taʼsir ko‘rsatishi qayd etildi.

Vazir bolalarning huquq va qonuniy manfaatlarini hurmat qilish, ularning ruhiy holatiga ehtiyotkorlik bilan yondashish taʼlim tizimi xodimlarining asosiy kasbiy tamoyili bo‘lishi kerakligini urg‘uladi. Shuningdek, har qanday no‘rin hatti-harakat, beparvolik va loqaydlikka yo‘l qo‘ymaslik, pedagogik etika meʼyorlariga qatʼiy rioya etish zarurligi taʼkidlandi.

U o‘z murojaatida nafaqat rahbar, balki ona va buvi sifatida ham fikr bildirib, har bir bola mehr va eʼtiborga munosib, qalbi nozik va ishonchi beg‘ubor ekanini qayd etdi. Bolalar kattalarning munosabati orqali hayotni anglashi, ularga ko‘rsatilgan mehr va munosabat kelajakda qanday inson bo‘lib etishishiga taʼsir qilishini taʼkidladi.

Shu munosabat bilan, taʼlim muassasalarida sog‘lom va insonparvar muhitni taʼminlash, bolalarga doimo hurmat va ehtirom bilan munosabatda bo‘lish, ularning huquqlarini ishonchli himoya qilish talab etildi.

Murojaat yakunida har bir xodim o‘z faoliyati natijalari uchun shaxsan javobgar ekani, mazkur masalada loqaydlikka mutlaqo yo‘l qo‘yilmasligi alohida qayd etildi.