Shamol turbinalarining qushlar populyatsiyasiga taʼsirini kamaytirish usullarini tadqiq qilishga qaratilgan loyiha “ACWA Power” kompaniyasi tomonidan Ekologiya, atrof-muhitni muhofaza qilish va iqlim oʻzgarishi vazirligi bilan hamkorlikda amalga oshirilmoqda.

Tadbirda shamol energetikasi barqaror energiya manbalariga oʻtishda asosiy rol oʻynashi, lekin uning atrof-muhitga taʼsirini minimallashtirish nihoyatda muhim ekani taʼkidlandi. “Bird Flight Diverter” (BFD) eksperimenti doirasida “ACWA Power” kompaniyasi shamol turbinasiga qushlarning urilish xavfini kamaytirish uchun innovatsion texnologiyalarni sinovdan oʻtkazmoqda.

Mutaxassislarning taʼkidlashicha, uch yillik tadqiqot doirasida elektr tarmogʻining butun uzunligi boʻylab har hafta qushlar oʻlimi (barcha oʻrta va yirik turlar) monitoringi oʻtkaziladi.

Eksperimentning muhim qismi 100 tutqunlikda koʻpaytirilgan va 100 yovvoyi qushni qamrab oladi, keyinchalik bu miqdorni 300 taga yetkazish belgilangan.

Eksperiment natijalari nafaqat 300 kilometr uzunlikdagi elektr uzatish tarmogʻining taʼsirini kamaytirish uchun eng yaxshi yechimni beradi, bu esa maydon maʼlumotlari bilan tasdiqlanadi, balki Oʻzbekistondagi va butun Markaziy Osiyodagi eng zaif qushlar guruhiga mos keladigan toʻqnashuvning oldini olish qurilmalari (BFD) turlarini eng yaxshi amaliyotlarga asoslanib ishlab chiqish imkonini yaratadi.

Bundan tashqari, elektr uzatish tarmoqlaridagi tuvaloqlarning oʻlim darajasiga oid qimmatli maʼlumotlar olinadi, bu esa kelajakdagi xavflarni aniq baholash va ularni minimallashtirish hamda kompensatsiya qilish uchun samarali strategiyalarni ishlab chiqishga yordam beradi.