Pezeshkiyon Eron parlamenti tomonidan qabul qilingan MAGATE bilan hamkorlikni to'xtatish haqidagi qonunni ma'qulladi. Qonun loyihasini eron Konstitutsiyasini qo'riqlash kengashi ham qo'llab-quvvatladi.

Qabul qilingan rezolyutsiyaga ko'ra, agar mamlakat yadroviy inshootlari xavfsizligi va tinch yadroviy faoliyatlar kafolatlanmasa, MAGATE inspektorlariga Eron yadro inshootlariga kirishga ruxsat berilmaydi. Kafolatlar Eron Milliy xavfsizlik oliy kengashi tomonidan tasdiqlanishi kerak.

Eron, shuningdek, MAGATE bosh direktori Rafael Grossiga kirishni taqiqlash masalasini ko'rib chiqmoqda.

Grossi Eron siyosiy motivli deb hisoblagan hisobotini taqdim etganidan so'ng, MAGATE Boshqaruvchilar kengashi Eronga qarshi rezolyutsiyani qabul qildi, bu orqali Eron tomonidan qariyb 20 yil ichida birinchi marta xavfsizlik choralarini buzganlikda ayblandi.

Rezolyutsiya AQSh ko'magida Buyuk Britaniya, Fransiya va Germaniya tashabbusi bilan ishlab chiqilgan. Eron buni keskin tanqid qildi va bunga javoban yangi yadroviy inshoot yaratilishi va Fordo zavodida sentrifugalar modernizatsiya qilinishini e'lon qildi.

Eronlik tahlilchilarga ko'ra, Grossining hisoboti va undan keyin qabul qilingan MAGATE rezolyutsiyasi 13-iyun kuni Isroilning bir necha eronlik yadro olimlari va yuqori martabali amaldorlarini o'ldirgan hujumiga zamin hozirlagan.

Natanz yadroviy inshootiga qilingan hujumdan so'ng, MAGATE rahbari hujumni qoralamadi, Eron buni xalqaro huquqning buzilishi deb hisoblaydi. Grossi, shuningdek, AQShning Eronning uchta muhim yadroviy obyekti – Fordo, Natanz va Isfahonga uyushtirgan aviahujumini ham qoralamadi.

25-iyun kuni Eron parlamenti MAGATE bilan hamkorlikni to'xtatishga qaror qilgan edi. Keyinroq Eron MAGATE bosh direktoriga yadroviy inshootlarga kirishni taqiqlagandi, deb xabar beradi korrespondent.net.