Muloqotda tomonlarni qiziqtirgan sohalardagi Oʻzbekiston-Yevropa hamkorligining dolzarb masalalari koʻrib chiqildi.
Siyosiy muloqotni faollashtirish, parlamentlararo aloqalarni rivojlantirish, Oʻzbekiston bilan Yevropa Ittifoqi oʻrtasida kengaytirilgan sheriklik va hamkorlik toʻgʻrisidagi Bitim boʻyicha muzokaralar jarayonini jadallashtirish, xavfsizlik sohasidagi saʼy-harakatlarni muvofiqlashtirish, shuningdek, mintaqalararo aloqalarni kengaytirish muhimligi qayd etildi.
“Oʻzbekiston – Yevropa Ittifoqi” va “Yevropa Ittifoqi – Markaziy Osiyo” shakllarida boʻlajak tadbirlar jadvali yuzasidan fikr almashildi.
Afgʻonistondagi bugungi vaziyat va uning mintaqaviy xavfsizlikka taʼsiriga alohida eʼtibor qaratildi. Afgʻoniston xalqiga insonparvarlik yordami koʻrsatishda jahon hamjamiyatining saʼy-harakatlarini birlashtirish zarurligi haqida umumiy fikr bildirildi, deb xabar beradi Tashqi ishlar vazirligi matbuot xizmati.
