FAO va IKARDA O'zbekistonda qishloq xo'jaligini rivojlantirish bo'yicha hamkorlik qilmoqda

    Loyiha Qoraqalpog'iston Respublikasi, Qashqadaryo va Xorazm viloyatlarida amalga oshirilmoqda.

    Birlashgan Millatlar Tashkilotining Oziq-ovqat va qishloq xo'jaligi tashkiloti (FAO) va Qurg'oqchil mintaqalarda qishloq xo'jaligi ilmiy-tadqiqotlari xalqaro markazi (ICARDA) Xalqaro er kuniga bag'ishlangan “Yerlar degradatsiyasiga qarshi kurashishning intensiv va innovatsion yechimlari” xalqaro konferensiyasi doirasida kelishuv imzoladilar. Tadbir Birlashgan Millatlar Tashkilotining Oziq-ovqat va qishloq xo'jaligi tashkiloti (FAO) tomonidan O'zbekiston Respublikasi Qishloq xo'jaligi vazirligi va “O'zdaverloyiha” davlat ilmiy loyihalash instituti hamkorligida tashkil etildi.

    Kelishuvni imzolash bilan tomonlar yerdan foydalanish va uni qayta tiklash ta'sirini baholash global dasturining (FOLUR) bir qismi bo'lgan “O'zbekistonda oziq-ovqat tizimlarining erdan foydalanish va qayta tiklashga ta'sirini baholash dasturi”ni amalga oshirishda hamkorlikni davom ettirish majburiyatini oldilar. Kelishuvning umumiy miqdori 550 ming AQSH dollarini tashkil etadi. Global ekologik Jamg'arma ko'magida amalga oshirilayotgan FAOning “O'zbekistonda oziq-ovqat tizimlarining yerdan foydalanish va uni qayta tiklashga ta'sirini baholash dasturi” loyihasi yerdan foydalanishning samarali texnologiyalari va bug'doy ishlab chiqarish landshaftlarida ekologik yondashuvlarni keng miqyosda joriy etishga hamda ekotizim degradatsiyasidan barqaror boshqaruvga o'tkazishni amalga oshirish uchun ekologik toza qiymat zanjirlarini yaratishga qaratilgan. Loyiha Qoraqalpog'iston Respublikasi, Qashqadaryo va Xorazm viloyatlarida amalga oshirilmoqda.

    Loyiha natijalariga erishish uchun IKARDA yer degradatsiyasining neytralligi va iqlimga moslashtirilgan, ekologik xavfsiz bug'doy yetishtirish tamoyillariga muvofiq integratsiyalashgan yer boshqaruvini rag'batlantirish, GEF uchun ishlab chiqarish landshaftlarida ekotizimlarni saqlash va tiklashga ko'maklashish hamda qishloq xo'jaligini qo'llab-quvvatlash uchun ekotizimni yaxshilash uchun milliy imtiyozlarni ishlab chiqadi. Bundan tashqari, texnologiyani keng miqyosda joriy qilishning iqtisodiy ko'rsatkichlarini tavsiflovchi hisobot va landshaft darajasidagi yagona texnologiyaning iqtisodiy modelini aks ettiruvchi hisobot tayyorlanadi, u loyihaning ikkinchi yilida sinovdan o'tkaziladi, hujjatlashtiriladi va namoyish etiladi.