Hukumat qarori bilan Salomov Oʻktam Rahimovich Fargʻona davlat texnika universiteti rektori etib tayinlandi.
Qayd etilishicha, Fargʻona davlat texnika universitetida boʻlib oʻtgan uchrashuvda Vazirlar Mahkamasining tegishli qarori bilan rektor lavozimiga tayinlangan texnika fanlari doktori, professor Oʻktam Rahimovich Salomov jamoaga tanishtirildi.
Maʼlumotlarga koʻra, bugunga qadar Oʻ.Salomov Fargʻona politexnika instituti rektori lavozimida ishlayotgandi.
Vazirlar Mahkamasining tegishli qaroriga muvofiq Pedagogika fanlari boʻyicha falsafa doktori, professor Tursunaliyev Ilhomjon Axmedovich Oʻzbekiston davlat sport akademiyasi rektori lavozimiga tayinlandi.
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi xulosasiga asosan Begmatova Qizlarxon Shavkatovna “Uzbekistan Airways” AJ matbuot kotibi lavozimiga tayinlandi.
