Aviatsiya benzini, aviatsiya kerosini bilan birga, samolyotlar uchun yoqilg‘i hisoblanadi. Kichik samolyotlar va vertolyotlardagi porshenli dvigatellar aynan aviatsiya benzinida ishlaydi.
Farg‘ona neftni qayta ishlash zavodida ishlab chiqarilgan B-92 rusumli aviatsiya benzini ichki bozordagi talabni o‘z vaqtida qondirish hamda ushbu turdagi yoqilg‘i eksportini yo‘lga qo‘yish maqsadida ishlab chiqarishni rivojlantirish imkonini beradi.
B-92 markali aviatsiya yoqilg‘isi AN-2 yengil samolyotlarini yonilg‘i bilan to‘ldirishga talab katta, ya’ni uning mahalliy ishlab chiqarilishi Respublikada, jumladan Farg‘ona viloyatining So‘x tumaniga 80 ming aholi uchun «havo ko‘prigi»ni yaratishda muhim hisoblanib, u muntazam ravishda aviaqatnovlarni rivojlantirishga xizmat qiladi.
Eslatib o‘tamiz, avvalroq Farg‘ona neftni qayta ishlash zavodi texnik shartlar (TSh) bo‘yicha B-92 aviatsiya benzini ishlab chiqargan edi, deb xabar beradi Energetika vazirligi matbuot xizmati.
Ikki xil aviatsiya yoqilg‘isi mavjud bo‘lib, ular aviatsiya benzini va aviatsiya kerosini hisoblanadi. Ilmiy-tadqiqot ishlari davomida aviatsiya benzinining yangi formulasi B-92da tetraetil qo‘rg‘oshin miqdori kamaytirildi, bu benzin zaxiralarini kengaytirganda, ish rejimidan qat’iy nazar, toksik tetraetil qo‘rg‘oshinni kamaytirish dvigatellarning normal ishlashini ta'minlash qobiliyatiga ta’sir ko‘rsatmadi.