Joriy yilning oʻtgan davrida 14 ta hududda - Fargʻona, Quvasoy, Margʻilon va Qoʻqon shaharlarida, Toshloq, Oʻzbekiston, Beshariq, Oltiariq, Yozyovon, Bagʻdod, Qoʻshtepa, Rishton, Uchkoʻprik hamda Fargʻona tumanlarida bir donadan mana shunday zamonaviy sport maydonchalari qurilib foydalanishga topshirildi. Qolgan 5 ta hududlarda – Soʻx, Buvayda, Dangʻara, Furqat, Quva tumanlarida qurilish ishlari yakuniga yetkazilmoqda.

Mahallalarda yoshlarni ommaviy sportga jalb qilishga qaratilgan “Besh tashabbus olimpiadasi” sport musobaqalari respublika bosqichi doirasidagi gʻolib va sovrindor boʻlgan hamda hududida sport infratuzilmasi mavjud boʻlmagan mahalla terma jamoalari uchun stritbol, vorkaut va universal sport maydonchalarini qurib berilishi koʻzda tutilgan.

“Besh tashabbus olimpiadasi” 1-mavsum yakuniga koʻra, viloyatimiz sportchilari tomonidan respublika final bosqichida jami 24 ta 5 ta 1-oʻrin, 10 ta 2-oʻrin, 9 ta 3-oʻrin qoʻlga kiritildi. Natijada Respublika sportni rivojlantirish vazirligi tomonidan 24 ta sport maydonchalari (1-oʻrin uchun 5 ta universal sport maydonchalari, 2-oʻrin uchun 10 ta stritbol maydonchalari, 3-oʻrin uchun 9 ta vorkaut maydonchalari) qurilishi uchun gʻolib boʻlgan yoshlarga sertifikatlar topshirildi.

Bugungi kunda mazkur sertifikatlar asosida barcha shahar va tumanlarda sport maydonchalari qurilishi uchun yer maydonlari ajratilgan, hozirda zarur boʻlgan sport jihozlari yetkazilib, qurilish ishlari amalga oshirilmoqda.