Ma’lum qilinishiсha, 28 yoshli Sanjar Esonaliev «Infinbank» Qo‘qon filialiga avtomashinani muddatli to‘lov asosida xarid qilish uchun murojaat qilgan. Hujjatlarni rasmiylashtirish jarayonidan so‘ng u bank xodimi bilan birga binodan chiqib ketgan.

Tergov ma’lumotlariga ko‘ra, soat 13:00 atrofida ular o‘rtasida janjal kelib chiqqan. Gumonlanuvchi fuqaro A.T. O‘zbekiston tumani «Taraqqiyot» mahallasi hududida jabrlanuvchining bo‘yniga pichoq bilan zarba bergan.

Shundan so‘ng u jasadni avtomashinada olib yurib, ish vaqti tugagach, Katta Farg‘ona kanaliga tashlab yuborgan. Shuningdek, marhum yonida bo‘lgan 5 700 AQSh dollari ham yo‘qolgani aytilmoqda.

Marhumning yaqinlari uning yo‘qolib qolganidan xavotirlanib, ichki ishlar organlariga murojaat qilgan. Kuzatuv kameralari orqali voqea izlari aniqlangan.

Favqulodda vaziyatlar vazirligi qutqaruvchilari va mahalliy aholi ishtirokida olib borilgan qididiruv ishlari natijasida jasad 4 aprel kuni topilgan.

Hozirda gumonlanuvchi qo‘lga olingan. Qo‘qon shahar prokuraturasi tomonidan tergov harakatlari davom ettirilmoqda.