Birgina Sirdaryoda qariyb 4 ming gektar bunday yerlar mavjudligi aniqlangan. Boshqa hududlarda ham dala chetlarida va kollektor-drenaj atroflaridagi qoʻshimcha 50 ming gektar maydondan samarali foydalanish mumkinligi koʻrsatib oʻtildi.
Tuman hokimlariga dala va kollektor-drenaj atrofidagi yerlarni fermer xoʻjaliklari oʻz ishchilari va ehtiyojmand aholiga oʻn yilga ikkilamchi ijaraga berishni tashkil qilish topshirildi.
Bunda, fermerlarga oʻrdak, tovuq va kurka boqishga “Oilaviy tadbirkorlik” dasturi doirasida 3 yilga 14 foizli kredit beriladi.
Dala chetlariga uzum koʻchatlari va kadi urugʻlarini, tut koʻchatlarini ekish, parranda va asalari uyalarini yetkazib berish boʻyicha mutasaddilarga tegishli topshiriqlar berildi.
