Rejalashtirilgan ishlarning katta qismi 2025-yilda yakunlanadi.
Bu haqda Finlyandiya chegara xizmati rahbari Markku Xassinen ma'lum qildi.
“To'siq qurilishi asosan shu yil yakunlanadi. Faqat ayrim qismlari 2026-yilda bitkaziladi, deya uning so'zlaridan iqtibos keltiradi Yle. Ilgari to'siq qurilishi faqat 2026-yil oxirigacha yakunlanishi kutilgan edi, deyiladi portalda.
2022-yil iyun oyida Finlyandiya Ichki ishlar vazirligi hukumatning mamlakatni “gibrid tahdidlar”ga qarshi kurashishga tayyorlash maqsadida Rossiya bilan chegaradagi hududlarda to'siqlar o'rnatish rejasini e'lon qilgan edi. 2024-2026-yillar oralig'ida 200 kilometrga yaqin to'siqni qurish rejalashtirilgan edi. 2024-yilning mart oyida Finlyandiya Ichki ishlar vazirligi Rossiya Federatsiyasi bilan chegaradagi devorni jadal qurish uchun 74 million yevro ajratishni taklif qildi, deb xabar beradi report.az.
