“Oʻzbekistonning ajoyib infratuzilmasi sizga Oʻzbekiston poytaxti Toshkentdan Samarqand, Buxoro va Xivaga – Buyuk Ipak yoʻlidagi toʻxtash joylariga – bemalol sayohat qilishingizga imkon beradi.
Shaharlarning uchtasi tezyurar poyezdlar bilan yaxshi bogʻlangan, Xiva ham Buxoro bilan poyezd orqali bogʻlangan”.
“Har bir shahar (Toshkentdan tashqari) YUNESKOning Butunjahon merosi roʻyxatiga kiradi. Diqqatga sazovor joylari ham juda koʻp. Xivaning eski shaharchasi Ichan qalʼa oʻzbek shaharlari orasida birinchi boʻlib madaniy obidalar roʻyxatiga kiritilgan. Buxoroda koʻplab bezakli qadimiy madrasalarni oʻtkazib yubormang, Buxoro Arkni ziyorat qiling va savdo gumbazlaridan esdalik sovgʻalarini xarid qilishni unutmang. Albatta, Samarqand oʻzining nafis Registon maydoni bilan hayratda qoldiradi. Toshkentda qoʻzichoq goʻshti va maydalangan sabzi qoʻshilgan anʼanaviy guruch taomi boʻlgan palovdan tatib koʻrishni esingizdan chiqarmang”, — deya Oʻzbekistonni tariflagan Forbes maslahatchisi Anya Kartashova.
